U gjet një kufomë gjatë punimeve për Mega Parkun në Shtip

Një trup i pajetë është gjetur mëngjesin e sotëm në vendin ku po ndërtohet Mega Parku “Idnina” në Shtip, transmeton Portalb.mk.

Trupi i pajetë është zbuluar gjatë aktiviteteve ndërtimore të kompanisë që merret me ndërtimin e Mega Parkut, i cili do të vendoset përgjatë shtegut të këmbësorëve dhe biçikletave përgjatë lumit Bregallnica.

Nuk është përcaktuar ende nëse trupi është burrë apo grua.

Ky lokacion është shtëpia e ish sistemit të puseve për furnizim me ujë të pijshëm të Shtipit.

Policia dhe Prokuroria Publike janë duke hetuar rastin.