Valdet Xhaferi: Sistematizimi në MPB po përjashton shqiptarët

Valdet Xhaferi nga Bashkimi Demokratik për Integrim ka reaguar ashpër ndaj sistematizimit të fundit në Ministria e Punëve të Brendshme, duke e cilësuar atë si një proces që, sipas tij, rrezikon seriozisht përfaqësimin e drejtë të shqiptarëve.

“Sistematizimi i fundit në Ministrinë e Punëve të Brendshme po ngre shqetësime serioze për përfaqësimin e drejtë dhe të barabartë të shqiptarëve”, deklaroi Xhaferi, duke shtuar se në vend të respektimit të frymës së Marrëveshja e Ohrit, po ndodh e kundërta.

Ai theksoi se shqiptarët po anashkalohen dhe përjashtohen nga pozitat kyçe në institucion, ndërsa sipas tij, “balanca etnike po cenohet në mënyrë të hapur”.

“Kjo nuk është vetëm padrejtësi, është shkelje e parimeve themelore mbi të cilat ndërtohet shteti”, u shpreh Xhaferi.

Sipas tij, institucionet shtetërore duhet të reflektojnë barazi dhe përfaqësim të drejtë për të gjithë qytetarët, e jo të funksionojnë si struktura të njëanshme.

“Heshtja përballë kësaj gjendjeje është e papranueshme. Barazia nuk është privilegj, është e drejtë fundamentale e demokracisë”, përfundoi Xhaferi. Gazeta Flaka

The post Valdet Xhaferi: Sistematizimi në MPB po përjashton shqiptarët appeared first on Flaka, në çdo lajm... .