Ahmeti: Zgjedhje të parakohshme në tetor – Ne izmetin ia bëjmë

Lideri i Bashkimit Demokratik për Integrim (BDI), Ali Ahmeti, gjatë një vizite në Gostivar ku zhvilloi takim me strukturën rinore të partisë, ka komentuar mundësinë e zgjedhjeve të parakohshme parlamentare, duke lënë të hapur skenarin për organizimin e tyre së bashku me zgjedhjet lokale në tetor, raporton Flaka

“Përgjigje për një pyetje që më kanë bombarduar sot këtu: A do të ketë zgjedhje të parakohshme? Ne izmetin ia bëjmë – në tetor të ketë zgjedhje lokale dhe të parakohshme parlamentare bashkë,” deklaroi Ahmeti, transmeton Flaka Media.

Sipas tij, qeveria e re që pritet të formohet, nuk ka gjasa të funksionojë gjatë.

“Nuk ma merr mendja që mund të funksionojë me paterica kjo qeveri,” theksoi ai, duke ironizuar me përbërjen e re parlamentare dhe koalicionin aktual pas zgjedhjeve.

Deklarata e Ahmetit vjen në një kohë kur skena politike në Maqedoninë e Veriut është në tension pas formimit të shumicës së re nga koalicioni VLEN dhe VMRO-DPMNE. Flaka Media

The post Ahmeti: Zgjedhje të parakohshme në tetor – Ne izmetin ia bëjmë appeared first on Flaka, në çdo lajm... .