Aleanca për Shqiptarët do të mbajë Kongresin e rregullt

Në mbledhjen e sotme të Kuvendit të pestë të Aleancës për Shqiptarët, u miratua vendimi për thirjen e Kongresit të rregullt të partisë i cilit pritet të mbahet në gjysmën e parë të vitit të ardhëshëm 2026. Pas këtij vendimi, Kuvendi formoi edhe Komisionin Qëndror për organizimin e Kongresit, i cili do të udhëhiqet nga deputetja Ilire Dauti. Ky komision do të ketë për detyrë që deri në mbajtjen e Kongresit të organizojë edhe ristrukturimin e nëndegëve, degëve dhe organeve të tjera të partisë.

Në mbledhjen e sotme u prezentua edhe raporti për zgjedhjet e fundit lokale, ndërsa u diskutua edhe për situatën politike në vend.

Aleanca për Shqiptarët me këto vendime fillon riorganizimin dhe forcimin e strukturave partiake, për rikthimin e partisë në forcën më të madhe politike të shqiptarëve në vend, duke zhvilluar ideologjinë, programin dhe vizionin politik. 

The post Aleanca për Shqiptarët do të mbajë Kongresin e rregullt appeared first on Flaka, në çdo lajm... .