Angelina Jolie mahnit me paraqitjen elegante në Festivalin e Filmit në Kanë gjatë premierës së “Eddington”

Angelina Jolie tërhoqi gjithë vëmendjen në tapetin e kuq të Festivalit të Filmit në Kanë, ku mori pjesë në premierën e filmit të ri “Eddington”, një western horror që pritet të publikohet më 18 korrik.

Aktorja 49-vjeçare u shfaq elegante dhe me shumë klas në një fustan të markës Brunello Cucinelli, i cili theksonte belin dhe linjat e saj të përkryera, shkruan DailyMail.

Me një stil të përmbajtur, Jolie shtoi lartësi me një palë taka të holla dhe lejoi flokët e saj bionde të binin lirshëm mbi supe, duke i dhënë një pamje natyrale dhe të sofistikuar.

Ajo e plotësoi paraqitjen me një gjerdan të thjeshtë ari dhe një palë vëthë të varur klasikë, duke mbetur besnike stilit të saj të rafinuar dhe minimal.

Pavarësisht pranisë së emrave të tjerë të njohur në premierë, si Natalie Portman dhe Emma Stone, ishte Angelina Jolie ajo që spikati me hijeshinë dhe elegancën që e karakterizon gjithmonë.

Filmi “Eddington”, i realizuar nga regjisori Ari Aster (Midsommar, Hereditary), është i vendosur në kohën e pandemisë COVID-19 dhe përfshin sfondin shoqëror të protestave “Black Lives Matter”.

Në film luajnë edhe yje si Emma Stone, Pedro Pascal, Austin Butler, Joaquin Phoenix, dhe të tjerë – por këtë herë, vëmendja në tapetin e kuq i takoi padyshim Angelina Jolie.