Cakolli: Rrezikojmë që të mos i kemi rezultatet deri në një muaj

Eugen Cakolli nga Demokracia në Veprim ka paralajmëruar se procesi i numërimit të votave mund të zgjasë deri një muaj.

Ai tha se validimi i rezultateve është rinumërim i plotë.

“Nuk do të numërohen vetëm votat e kandidatëve, KQZ, sërish në vlerësimin tonë kundërligjshëm, ka përcaktuar një dispozitë, që thotë se do të bëhet validimi i rezultateve që në fakt është rinumërim i plotë. Nëpër qendra komunale të rinumërimit do të rinumërohet secila kuti e votimit që sillet në tërë Kosovën, kjo i bie që do të kemi vonesa”, tha Cakolli.

“Ne rrezikojmë të mos i kemi deri në një muaj apo më shumë rezultatet”, bëri të dirur Cakolli.