Data 11, Fevziu reagon për gjuhën shqipe, nxit debatin mes politikanëve shqiptarë në RMV!

Për vendimin e pritur të Gjykatës Kushtetuese për Ligjin për Përdorimin e Gjuhëve ka reaguar edhe gazetari nga Shqipëria, Blendi Fevziu. Ai theksoi se në qoftë se maqedonasit do ta konsiderojnë Maqedoninë një shtet vetëm të maqedonasve do të bëjnë gabimin fatal dhe më të madh të historisë së tyre politike. Fevziu ka deklaruar se çdo tentativë për të zhbërë egzistencën e një komuniteti, mund të hapë çshtjet që mund të çojnë në coptimin e Maqedonisë së Veriut.

Blendi Fevziu, gazetar

Pas kësaj deklarate të Fevziut ka reaguar njëri nga drejtuesit e VLEN, Arben Taravari. Ai i ka dërguar një letër të hapur udhëheqësit të emisionit “Opinion”, të cilit ia rikujt se ka kush të kujdeset për gjuhën shqipe në Maqedoni të Veriut. Taravari ia rikujton Feziut të gjitha të bëmat e BDI-së që ishin fatkeqe për shqiptarët deri sa kjo parti ka qeverisur për 20 vjet.

ARBEN TARAVARI, VLEN

“Kisha dashur që kaq i ndjeshëm sa u tregove për gjuhën Shqipe të tregoheshe edhe për faktin që ajo për 22 vjet pushtet të BDI-së ka mbetur pa emër, por është cilësuar gjithnjë si 20% në Kushtetutë, dhe po njësoj për pacientë që janë djegur brenda në spital apo njerëz të pafajshëm që vuajnë burgime të përjetshme me raste të montuara pikërisht në kohë të pushtetit të BDI-së, apo edhe për raste të çuditshme se si funksionarë dhe familjarë të BDI-së u kthyen në njerëzit më të pasur në vend. Nuk kemi parë asnjë emision të paktën në dijeninë time për këto raste”.

Taravari ka theksuar se drejtuesit e BDI-së, për të shmangur drejtësinë që i pret dhe për të hequr vëmendjen nga dënimi që i pret, ata arritën të çojnë në Gjykatë Kushtetuese nëpërmjet mashave të tyre. “Por, gjuha shqipe i dashur Blendi për fatin e mirë të Shqiptarve nuk mund të preket as sot e as mot, dhe ndaj ti dhe cilido të rrini të qetë”, ka shkruar Taravari, të cilit pastaj i është përgjigjur Valdet Xhaferi nga BDI.

“Imagjinoni, politikani kontradiktor e jo konzistent, me shpejtësinë e dritës tentoi të demantoj reagimin dhe shqetësimin me vend të gazetarit Blendi Fevziu për gjuhën shqipe në vendin tonë. Prandaj duam publikisht t’a pyesim pse nuk reagoi ngjajshëm edhe ndaj deklaratave të Mickovskit, Maksimit, Stoilkoviçit dhe bashkëpuntorëve të tyre kur mohojnë gjuhën shqipe dhe të ariturat e shqipëtarëve në Maqedoninë e Veriut ?! Reagim të ashpër ndaj tendencave për shfuqizimin e ligjit për përdorimin e gjuhës shqipe, paraqiti edhe Kryetarja e Kuvendit të Republikës së Shqiprisë, zonja Spiropali, ju asokohe nuk reaguat, apo nuk kishit leje nga shefi juaj, e nga roli i vazalit të nënshtruar s’mund as gojën ta hapni”, shkruan Xhaferi.

Sipas tij, të gjithë jemi dëshmitar se Ju personalisht jeni krenuar me miratimin e ligjit për gjuhët dhe publikisht e falenderuat liderin tuaj të atëhershëm Ziadin Sela, prandaj ju pyesim pse atëherë nuk u treguat shqiptarëve se ligji nuk është në rregull, por u krenuat që keni qenë pjesë e miratimit të ligjit.

The post Data 11, Fevziu reagon për gjuhën shqipe, nxit debatin mes politikanëve shqiptarë në RMV! appeared first on Flaka, në çdo lajm... .