Drejtori i një ndërmarrjeje komunale në Shkup akuzohet për përvetësim në shërbim

“I akuzuari, në periudhën prej datës 01.01.2021 deri më 31.12.2021, në cilësinë e zyrtarit – ushtrues detyre drejtor i NPK “Gazi Baba – 2007″, me qëllim të përfitimit pasuror të kundërligjshëm për një tjetër përvetësoi paratë e besuara në shërbim. Pas vendimit paraprak të Bordit Drejtues të ndërmarrjes publike për punësimin e personave të papunë për kryerjen e punëve publike për nevojat e Komunës së Gazi Babës, i pandehuri ka lidhur kontrata me shtatë persona. Kontratat janë dorëzuar në të njëjtin numër zyre dhe janë nënshkruar vetëm nga i pandehuri. Njëkohësisht, edhe pse për to ka mbajtur lista evidence që i ka nënshkruar personalisht i akuzuari, kinse punëtorët e përkohshëm nuk kanë punuar në NPK “Gazi Baba – 2007”, ndërsa në data të caktuara për të cilat kanë marrë honorar, në fakt kanë qenë jashtë kufijve të shtetit. Gjatë kësaj kohe ata janë udhëzuar si duhet për kryerjen e angazhimeve për të cilat kanë lidhur kontrata dhe iu është paguar kompensimi monetar, i cili gjithsej për të shtatë personat ka arritur në 880.516 denarë”, njoftoi Prokuroria.

Duke marrë parasysh, para së gjithash, seriozitetin dhe peshën e veprës penale për të cilën akuzohet, dënimin me kusht dhe rrethanat tjera, prokurori publik kompetent, së bashku me aktakuzën, në Gjykatë dorëzoi propozim të veçantë me të cilin kërkon që të akuzuarit t’i shqiptohet masa e sigurimit – ndalimi i largimit nga vendbanimi, detyrimi për t’u paraqitur herë pas here te zyrtari dhe konfiskimi i përkohshëm i dokumentit të udhëtimit.