Fero më në fund flet për Arbenitën, tregon që s’e ka rrahur kurrë dhe sa shumë e ka dashur – përlotet për çikën

Reperi i njohur shqiptar, Fero, ka folur hapur për marrëdhënien e tij të tensionuar me ish-bashkëshorten, Arbenita Ismajli, dhe për vështirësitë që ka kaluar pas divorcit, duke përfshirë ndarjen nga vajza e tyre.

Në një intervistë të gjatë në emisionin “Mirëmbrëma Yje” me Arbana Osmanin, artisti rrëfeu për dhimbjen emocionale që ndjen për shkak të mosmarrëveshjeve për kujdesin e vajzës dhe për përpjekjet e tij të vazhdueshme për ta parë atë.

Fero deklaroi se nuk e ka takuar vajzën prej një kohe të gjatë, një situatë që e ka lënduar thellë emocionalisht.

Ai pranoi se në momente të caktuara, ndjenja e dëshpërimit mund ta ketë shtyrë të thotë ndonjë fjalë të pahijshme, për të cilat kërkoi falje publikisht, duke theksuar se qëllimi i vetëm ka qenë gjithmonë takimi me vajzën e tij.

“Kur bëhet një kohë e gjatë kur nuk e ke parë vajzën tënde, dhe krijohet një ndjenjë e keqe, ndihesh keq emocionalisht veç ta shoh vajzën, ka mundur të ndodhë që kam thënë ndonjë fjalë të pahijshme, gjë që unë edhe i kërkoj falje nëse është ndier keq për fjalët e mia. Qëllimi është për ta parë vajzën time. Që 1 vit nuk e kam parë vajzën,” shpjegoi ai.

Ai rrëfeu gjithashtu për përpjekjet e shumta që ka bërë për të takuar vajzën në mënyra të ndryshme, duke theksuar se nuk ka arritur të realizojë asnjë takim pa ndërhyrjen e institucioneve.

“Kam tentuar shumë herë ta shoh vajzën në mënyra të ndryshme, dhe e kam parë që nuk po mundem me e pa në asnjë lloj forme dhe më është dashur patjetër të kërkoj nga institucionet të Kosovës, pasi ish-gruaja nuk e sjell vajzën kërkova ndihmë,” tha ai.

Sipas Feros, vendimi i gjykatës përcakton që ai të shohë vajzën e tij dy herë në muaj, përkatësisht në javën e parë dhe të tretë, që i bie katër ditë në muaj.

Megjithatë, sipas reperit, ky vendim nuk është respektuar kurrë, gjë që e ka detyruar të dërgojë çdo ditë kërkesa dhe email-e tek Prokuroria, Gjykata dhe Ministria e Drejtësisë për të realizuar takimet me vajzën.

“Nëse unë jam i keq ok, por vajza e meriton ta shoh babanë,” shtoi ai.

Fero zbuloi gjithashtu se për ish-bashkëshorten e tij është lëshuar fletë-arrest, pasi vajza nuk ka hyrë në Prishtinë që nga tetori i vitit të kaluar.

“Lëshuan urdhër-arrest në shtetin e Kosovës, ka kaluar kjo procedurë. Ka lëshuar edhe fletë-arrest ndërkombëtar. Vajza nuk ka pas hyrje në Prishtinë prej vitit të kaluar.

Nuk kam dëshirë asnjë fëmijë të ndahet nga nëna, por dua që të jem prezent në jetën e vajzës time,” deklaroi reperi, duke nënvizuar dëshirën e tij për të ruajtur lidhjen me të bijën.

Gjatë intervistës, Fero u përpoq të sqaronte edhe disa keqkuptime lidhur me marrëdhënien e tij me Arbenitën, duke theksuar se nuk e ka dhunuar ndonjëherë.

Ai tregoi se edhe gjatë periudhës kur ishte në paraburgim nuk ka pasur asnjë raport për lëndim fizik dhe se ndoshta konflikti midis tyre ka ardhur për shkak të mospërshtatjes në marrëdhënie.

“S’e kam dhunuar, edhe kur isha në paraburgim nuk ka asnjë raport për lëndim, sepse nuk e kam dhunuar.

Ajo ka pasur urrejtje. Ndoshta nuk kam qenë i mirë për të, ose ajo për mua. Por dy njerëz mund të mos përshtaten.

Edhe ne jemi munduar shumë kohë të funksionojmë por kishim ngatërresa. Sepse nuk ishim për njëri-tjetrin.

E kam dashur shumë, jam lënduar shumë. Më është dashur një kohë ta marrë veten,” tregoi reperi, duke reflektuar mbi ndjenjat e tij dhe përpjekjet për të kapërcyer situatën pas ndarjes.

Intervista e Feros ofron një pamje të qartë dhe të ndjeshme mbi vështirësitë që përballen prindërit pas divorcit, sidomos kur ka përfshirje të kujdesit për fëmijët, dhe tregon një përpjekje të vazhdueshme për të ruajtur lidhjen me vajzën e tij, pavarësisht sfidave ligjore dhe personale.

Në këtë rrëfim të hapur, Fero shfaq dhimbjen, ndjeshmërinë dhe përkushtimin e tij si baba, duke e vendosur marrëdhënien me vajzën në qendër të bisedës dhe duke reflektuar mbi situatën komplekse që ka ndikuar në jetën e tij personale dhe profesionale./ORAinfo/