Kryesia e LDK-së takon sekretarin e jashtëm të mbretërisë së bashkuar, David Lammy

Sot, nënkryetarja e Lidhjes Demokratike të Kosovës (LDK), Doarsa Kica Xhelili, së bashku me anëtarët e Kryesisë, Muhamet Hamiti dhe Alush Gashi, kanë zhvilluar një takim me Sekretarin e Jashtëm të Mbretërisë së Bashkuar, David Lammy.

Në fokus të diskutimeve ishin zhvillimet e fundit politike në Kosovë dhe qëndrimet e LDK-së ndaj këtyre çështjeve. Pjesë e bisedimeve ishte edhe vlerësimi i mbështetjes së vazhdueshme të Mbretërisë së Bashkuar për proceset e shtetndërtimit në Kosovë.

LDK gjithashtu ka mirëpritur emërimin e ambasadores Karen Pierce si Dërguese e Posaçme për Ballkanin Perëndimor, duke theksuar rëndësinë e angazhimit të shtuar të Bashkimit Europian dhe aktorëve ndërkombëtarë në rajon.

Në përmbyllje të takimit, Lidhja Demokratike e Kosovës ka shprehur falënderimet për Mbretërinë e Bashkuar për përkrahjen e saj të pakursyer në konsolidimin e shtetit të Kosovës dhe forcimin e stabilitetit rajonal.