Kurti sot takon Abdixhikun për çështjen e presidentit

Kryeministri i Kosovës, Albin Kurti, ka paralajmëruar se nga sot do t’i nisë takimet me krerët opozitarë për çështjen e zgjedhjes së Presidentit të vendit.

Takimi i parë do të jetë ai me kreun e Lidhjes Demokratike të Kosovës, Lumir Abdixhikun.

Takimi pritet të mbahet në orën 11:00 në hapësirat e Kuvendit të Kosovës.

Vet kryeministri Kurti, të premtën ka paralajmëruar se do t’i nisë takimet me krerët e opozitës nga e hëna për çështjen e Presidentit.

Gjykata Kushtetuese u ka dhënë kohë ligjvënësve të Kosovës mbi një muaj kohë për ta zgjedhur presidentin e ri të vendit, pasi e rrëzoi një dekret të ish-presidentes, Vjosa Osmani, më 25 mars për shpërndarjen e Kuvendit pas moszgjedhjes së presidentit në një seancë më 5 mars.