Malisheva mirëpret Enver Hoxhajn: Së bashku do të sjellim ndryshimin

Kandidati për deputet dhe një nga figurat kyçe të Partisë Demokratike të Kosovës (PDK), Enver Hoxhaj, ka zhvilluar vizitë në Malishevë, ku është pritur nga mbështetës të shumtë.

Në Malishevë, ai falënderoi qytetarët për mikpritjen dhe përkrahjen e madhe, duke u zotuar se PDK do të sjellë ndryshimin që vendi ka nevojë.

“Faleminderit Malishevë për mikpritjen dhe mbështetjen tuaj të jashtëzakonshme. Së bashku do ta bëjmë ndryshimin,” tha ai, duke nënvizuar se PDK mbetet partia më e fuqishme dhe më e përgatitur për të udhëhequr Kosovën drejt një të ardhme më të mirë.