Marketet gati 1 miliardë euro të hyra gjatë 2023, kush është në krye

Marketet tashmë janë biznese shumë fitimprurëse edhe në Maqedoninë e Veriut.

934 milionë euro apo gati 1 miliardë euro janë të hyrat totale gjatë 2023 në shtatë marketet në Maqedoninë e Veriut që janë me të hyrat dhe fitimet më të larta si: KAM, Kiper, Stokomak, Kit-go, VERO, Ramstor dhe Tinex, pércjell INA.

Në vend të parë është KAM, me të hyra prej 268.8 milionë euro. Pasaj Kiper me 175.2 milionë euro dhe Stokomak me 138.5 milionë euro.

Me të ardhura prej 102.6 milionë euro në vitin 2023, “Vero” ia kaloi “Tinex”-it, i cili realizoi të ardhura totale prej 98.3 milionë euro.

Në vendin e gjashtë është Kit-go, e cila vitin e kaluar kishte të ardhura totale prej 86.9 milionë euro.

Sipas shumës së të hyrave, Zito Market ngec me 69.5 milionë euro në vendin e shtatë dhe Ramstore me 64.3 milionë euro në vendin e tetë.

Në vend të parë për sa i përket fitimit për vite radhazi është VERO, i cili në vitin 2023 ka realizuar një fitim neto prej 10.3 milionë euro, që është një rritje prej 12.8 për qind krahasuar me vitin 2022.

Në pozitën e dytë është KAM me një fitim prej 7.3 milionë euro, që është një rritje e konsiderueshme krahasuar me vitin 2022, kur fitimi ishte 4.9 milionë euro.

Ndër tre kompanitë me fitimin më të madh është Kiper, me fitime neto prej 5.5 milionë euro.

Pas tyre vijnë Stokomak me fitim 4.1 milionë euro, Kit-go me 3.9 milionë euro, Ramstor me 2.5 milionë euro dhe Tinex me 1.4 milionë euro.

The post Marketet gati 1 miliardë euro të hyra gjatë 2023, kush është në krye appeared first on InfoShqip.com.