Mister në Gostivar: 38-vjeçar ndërron jetë, pritet obduksioni

Një 38-vjeçar nga Gostivari ka ndërruar jetë pasi paraprakisht i ishte ofruar ndihmë mjekësore në shtëpinë e tij.

Sipas informacioneve nga autoritetet, rasti është raportuar më 22 mars rreth orës 11:40 nga Ndihma e Shpejtë Mjekësore në Gostivar. Personi është transportuar në spitalin e qytetit, ku rreth orës 14:40 është konstatuar vdekja.

Mjeku kujdestar ka konstatuar se nuk ka gjurmë të dukshme dhune, ndërsa me urdhër të prokurorit publik, trupi i pajetë është dërguar për obduksion.

Në vendin e ngjarjes është kryer këqyrje nga ekipi hetimor i SPB Tetovë.

The post Mister në Gostivar: 38-vjeçar ndërron jetë, pritet obduksioni appeared first on Flaka, në çdo lajm... .