Nxënësit e shkollave të mesme do të garojnë nesër me idetë e tyre të biznesit në një garë për kompani studentore

Nesër në qendrën arsimore M6 në Shkup, Junior Achievement Macedonia do të organizojë garë nacionale të kompanive studentore, informojnë nga qendra. Është ngjarje njëditore ku nxënës të shkollave të mesme nga e gjithë vendi do të prezantojnë iniciativat e tyre të biznesit dhe idetë sipërmarrëse, transmeton Portalb.mk.

“Më shumë se 70 nxënës të shpërndarë në 15 kompani studentore, nga 12 shkolla të mesme nga Berova, Manastiri, Bogdanci, Velesi, Prilepi, Shkupi dhe Strumica, do të marrin pjesë në garë. Në kuadër të ngjarjes, nxënësit e udhëhequr nga mësuesi përgjegjës kanë mundësinë të prezantojnë atë që kanë bërë gjatë vitit shkollor në stenda. Të markuara me stendën, emrin dhe logon e kompanisë së tyre, secila kompani studentore do të përpiqet të impresionojë jurinë me idenë e saj të biznesit dhe të konkurrojë për pjesëmarrje në një konkurs evropian të organizuar në kuadër të rrjetit Junior Achievement”, thuhet në njoftimin për media.

Siç informon organizata, qëllimi kryesor i këtij programi është t’u ofrojë të rinjve përvojë praktike në drejtimin e një biznesi, zhvillimin e njohurive financiare, përmirësimin e aftësive të punës dhe inkurajimin e një fryme sipërmarrëse.

“Përmes punës në grup dhe socializimit, nxënësit fitojnë njohuri dhe aftësi që do t’i ndihmojnë në zhvillimin e tyre personal dhe profesional. Gara mbështetet nga Agjencia për Mbështetjen e Sipërmarrjes së Republikës së Maqedonisë së Veriut dhe Bizneseve Private, dhe zbatohet nga organizata Junior Achievement Macedonia – anëtare e rrjetit global Junior Achievement Ëorldëide, e themeluar në vitin 1919, sot e pranishme në më shumë se 120 vende. Ky rrjet zbaton programe për edukim sipërmarrës dhe njohuri financiare, të cilat vizitohen nga më shumë se 10 milionë njerëz çdo vit. Junior Achievement Macedonia ka 7 vjet që organizon këtë lloj gare, si dhe një numër të madh trajnimesh dhe punëtorish të dedikuara për edukim sipërmarrës, njohuri financiare dhe gatishmëri të të rinjve për punë”, shtohet në kumtesë.