Pas më shumë se 60 vite punë! Legalizohet Aeroporti i Ohrit, mori patentë pronësie!

Aeroporti i Ohrit, i cili operon që nga vitet 1970, më në fund është legalizuar! Këtë informacion e bëri të ditur ministri i Transportit, Aleksandar Nikolloski, në rrjetet sociale. Sipas tij, gjatë vitit të kaluar, një ekip nga Ministria e Transportit, SHA Aeroporte dhe TAV, së bashku me Kadastrën, Avokaturën e Shtetit, Administratën për Çështje Pronësore dhe institucione të tjera qeveritare, punuan për të regjistruar aeroportin e Ohrit “Shën Apostull Pavli” në kadastrën e pronave dhe për të dhënë përfundimisht këtë objekt strategjik një patentë pronësie. Sipas Nikolloskit, në kushte normale kjo nuk do të përbënte lajm, por pas kaq vitesh neglizhencë dhe lënie pas dore të kapitalit shtetëror, publiku duhet të informohet për këtë. Ai gjithashtu njoftoi se pritet modernizimi dhe rikonstruksioni i aeroportit të Ohrit.