Për një muaj në Maqedoninë e Veriut kanë ardhur rreth 80 mijë turistë të huaj

Në Maqedoninë e Veriut gjatë muajit tetor është regjistruar rritje e numrit të turistëve të huaj në krahasim me tetorin e vitit të kaluar. Këtë tetor kanë ardhur 79 930 turistë të huaj, apo 13 022 turistë më shumë se tetori i kaluar, transmeton Portalb.mk.

“Numri i turistëve në tetor të vitit 2024 është 107 672, prej të cilëve 25.8 % janë turistë vendor dhe 74.2 % turistë të huaj. Numri i netëve të kaluara në tetor të vitit 2024 është 211 611, prej të cilëve 32.5 % janë turistë vendor dhe 67.5 % janë turistë të huaj”, raportoi Enti Shtetëror i Statistikave.

Gjatë dhjetë muajve të parë të këtij viti, Maqedonia e Veriut ka regjistruar 387 882 turistë vendorë dhe 750 471 turistë të huaj.

Në muajin tetor, më së shumti turistë kanë ardhur nga Turqia (23 838), Serbia (6582), Gjermania (4686), Greqia (4624), etj.