Voziti 151 km/h në autostradë, arrestohet 31-vjeçari nga Çellopeku

Një rast i rrezikshëm i tejkalimit ekstrem të shpejtësisë është regjistruar në autostradën Tetovë–Gostivar. Sipas informacioneve që ka siguruar Tetovasot, më 01.01.2026 në ora 17:45, në pikën e pagesës rrugore, policia nga DPB Gostivar ka privuar nga liria I.A. (31) nga fshati Çellopek i Tetovës. Ai po drejtonte automjetin “Volkswagen Golf” me shpejtësi 151 km/h, në zonë ku kufizimi maksimal është 80 km/h. Ndaj tij do të ngrihet padi sipas nenit 297-a të Kodit Penal për drejtim të pakujdesshëm të mjetit motorik.