Aksidentohen dy vetura në Peran të Podujevës, dy të lënduar

Dy persona kanë pësuar lëndime si pasojë e një aksidenti që ka ndodhur sot rreth orës 11:40 në fshatin Peran të Podujevës.

Lidhur me rastin detaje ka dhënë Flora Ahmeti, zëdhënëse e policisë për rajonin e Prishtinës.

Ahmeti tha se në këtë aksident ishin të përfshirë dy vetura, derisa personat e lënduar janë dërguar për trajtim mjekësor.

“Me rastin po merret njësiti i trafikut rajonal”, deklaroi ajo.