Ardian Gola me gjuhë të mbushur rëndë për Ardian Gjinin: Po i numëron ditët e fundit të ekzistencës së vet politike

Ardian Gola e ka ngarkuar gjuhën me kualifikime të rënda karshi rivalit të vet politik në Gjakovë, Ardian Gjinit të AAK-së.

Ndonëse rezultati në raundin e parë është thellë më i gjerë në favorin e Gjinit, Gola i VV-së tha se ai i pari “po numëron ditët e fundit të ekzistencës së vet politike”.

“Tetë vjet qeverisje, nuk ka përfituar qytetari i Gjakovës, por vetëm strukturat e tyre parapolitike të shtrira thellë në administratë e ekonomi lokale”, tha Gola.