Banori i Gostivarit arrestohet nën dyshimin për vjedhje të pëllumbave

Nga Sektori për Punë të Brendshme në Tetovë njoftojnë se gjatë pasdites së djeshme është arrestuar një 43-vjeçar nga Gostivari, përcjell TV21. Personi J.D. dyshohet se një ditë parë, ia ka vjedhur pëllumbat 40-vjeçarit me iniciale A.B.

“Me datë 26.01.2025 në ora 14:50 në Gostivar, zyrtarët policorë të DPB Gostivar e kanë privuar nga liria personin J.D. (43) nga Gostivari për shkak të dyshimit të bazuar se me datë 25.01.2025 ka kryer ,,vjedhje të rëndë”, me ç’rast personit A.B. (40) nga Gostivari ia ka vjedhur pëllumbat. Ai është ndaluar në stacionin policorë dhe pas dokumentimit të rastit do të përgatitet kallëzimi përkatës”, thonë nga SPB-Tetovë.