Baraliu, dikur mbështetës i madh i VV’së: Ekipi i ri i Lumir Abdixhikut i jashtëzakonshëm, nuk mund të injorohet

Analisti Bleron Baraliu e ka quajtur “ekip të jashtëzakonshëm” listën e kandidatëve të Lidhjes Demokratike të Kosovës për deputetë në Prishtinë

Baraliu ka thëqnë se një ekip i tillë do të duhej së paku të dyfishonte rezultatin e vitit 2021 për LDK’në.

Ai e ka përgëzuar kreun e kësaj partie, Lumir Abdixhikun, për këtë përbërje.

“Nuk e di që në Kosovë mund të llogarisim në kushte normale, pra ende jetojmë në fazën e fundit të militantizmit — por kjo përbërje më bën kurioz dhe ‘detyron’ të mas reagimin e popullsisë/votuesve sç shpejti. Nuk kam mendu që Lumir Abdixhiku do t’a gjej rrugën potenciale drejt fitores, por tash më ka vënë në dyshim.  BravO!!! 

Kandidatët e LDK’së për deputetë nga Prishtina janë: Alban Zogaj, Arben Gashi, Berat Rukiqi, Besian Mustafa, Doarsa Kica-Xhelili, Donjeta Dragusha, Doruntinë Maloku, Elmire Nikçi-Rexhja, Fadil Aliu, Fiknete Bejta, Florian Dushi, Hykmete Bajrami, Ismet Beqiri, Izet Sadiku, Jehona Lushaku-Sadriu, Jeta Rafuna, Krenar Xhaferi, Sibel Halimi, Sokol Havolli dhe Vlora Dumoshi.