Bella Hadid tërhoqi vëmendjen në Londër me stilin e saj të thjeshtë por të spikatur

Bella Hadid u shfaq me një pamje tejet elegante dhe të kuruar teksa mbërriti në një studio në Londër të enjten në mëngjes, duke tërhequr menjëherë vëmendjen me stilin e saj të veçantë.

Modelja 28-vjeçare kishte veshur një fund elegant me pika të bardha mbi sfond kafe, të cilin e kishte kombinuar mjeshtërisht me një bluzë të bardhë dhe një xhaketë të madhe prej xhinsi në ngjyrë gri, që i jepte një nuancë “me stil” pamjes së saj.

Për të ruajtur rehatinë gjatë ditës, Bella kishte zgjedhur një palë atlete të bardha Nike dhe çorape të bardha të gjata që i shtonin një prekje sportive veshjes së saj plot stil.

Pamja e saj u plotësua nga flokët biondë të sapo lyer, të cilët i kishte zbuluar disa ditë më parë në Festivalin e Filmit në Kanë, duke shfaqur një transformim të guximshëm por gjithmonë elegant.

Ajo mbante një çantë të madhe të zezë me efekt krokodili, ndërsa nuk mungoi buzëqeshja e saj karakteristike që e bën të duket gjithmonë e afërt dhe pozitive.

Me grim të lehtë dhe një palë syze leximi, Bella dëshmoi edhe një herë se klasi dhe thjeshtësia mund të ecin dorë për dore në botën e modës. /Telegrafi/