Besnik Osmani premton rregullimin e pazarit të qytetit: Do të bëhet hapësirë dinjitoze për të gjithë

Kandidati për kryetar të Fushë Kosovës, Besnik Osmani, ka vizituar sot pazarin e qytetit, ku u ndal te prodhuesit vendorë, shitësit e produkteve të freskëta dhe tregtarët e gjësendeve tradicionale.

Osmani e quajti pazarin vend të gjallë të jetës së përditshme, ku qytetarët bëjnë pazaret, ndajnë buzëqeshje e takohen me dashamirësi.

Ai premtoi se shumë shpejt ky treg do të marrë pamje më të rregulluar:
“Pazari do të ketë tezga të përshtatshme dhe nyje sanitare moderne – duke u shndërruar në një hapësirë të rehatshme, dinjitoze dhe mikpritëse për të gjithë,” theksoi Osmani.