Covid-19 përhapet në të gjithë Finlandën, regjistrohen 200 raste për një javë

Finlanda ka përjetuar rritje të rasteve të Covid- 19 kohët e fundit, me 200 raste të konfirmuara në javë, raportoi sot transmetuesi “Yle”.

Një specialist për Institutin për Shëndet dhe Mirëqenie THL tha se numri i rasteve është rritur në vjeshtë, me rreth 200 raste të konfirmuara në laborator të regjistruara në javë në javët e fundit.

“Këto janë raste të konfirmuara në laborator dhe vetëm maja e ajsbergut (për sa i përket infeksioneve aktuale). Shumica e njerëzve (me Covid) janë në shtëpi. Mund të thuhet se infeksionet me koronavirus po përhapen në të gjithë vendin”, tha Niina Ikonen.

Megjithatë, kjo vjeshtë ka parë më pak raste krahasuar me të njëjtën periudhë të vitit të kaluar, kur afërsisht 1.000 raste të konfirmuara në laborator u raportuan çdo javë.

“Ka numër të madh virusesh të ndryshme të frymëmarrjes që qarkullojnë aktualisht”, shtoi Ikonen.