Man Utd në bisedime për të shkëmbyer sulmuesit me gjigantin italian

Manchester United raportohet se janë në bisedime për një marrëveshje shkëmbimi, e cila mund ta shohë Joshua Zirkzee të rikthehet në Serie A pas një periudhe zhgënjyese në “Old Trafford”.

Zirkzee është lidhur vazhdimisht me një largim nga United, pasi ka dështuar të sigurojë një vend titullari që nga transferimi i tij nga Bologna në vitin 2024, për një shumë prej 36 milionë eurove.

Sulmuesi holandez ka bërë vetëm pesë paraqitje në të gjitha garat këtë sezon, pa asnjë ndeshje si titullar, duke grumbulluar vetëm 82 minuta lojë gjithsej.

Me Zirkzee që ka nevojë për më shumë minuta në fushë për të ruajtur shpresat për pjesëmarrje në Kupën e Botës 2026 me Holandën, Roma po përpiqet ta sjellë atë në kryeqytetin italian gjatë afatit kalimtar të janarit.

Sipas Radio Lo Sport, klubi italian është i gatshëm të përfshijë në marrëveshje një nga lojtarët e tij në drejtim të kundërt.

Artem Dobvyk/ Joshua Zirkzee

Bëhet fjalë për Artem Dovbyk, sulmuesin ukrainas që ndodhet në një situatë të ngjashme me Zirkzee, me dy gola dhe dy asistime në 13 ndeshje për Romën, që aktualisht renditet e katërta në Serie A pas 10 javësh.

Dovbyk iu bashkua Romës në vitin 2024, pas një sezoni të jashtëzakonshëm me Gironan, ku shënoi 24 gola dhe ndihmoi klubin spanjoll të siguronte kualifikimin në Ligën e Kampionëve.

Ai realizoi 17 gola në sezonin e tij të parë me Romën, por këtë edicion nuk ka arritur të ruajë të njëjtin ritëm dhe nivel performance.