Dëshmoi inspektori MPB-së që hetonte zhdukjen e Vanjës: Aleksandri ishte i bindur se vajza ishte rrëmbyer dhe vrarë
Në gjykimin për vrasjen e 14-vjeçares Vanja Gjorçevska dhe Pançe Zhezhovskit sot dëshmoi ndihmës kreu i SPB Shkupi. Ai fillimisht kontaktoi prindërit e vajzës, kur tashmë kishte indikacione se Vanja ishte rrëmbyer, transmeton Portalb.mk. “Që në momentin që ka pasur denoncim për një vajzë të zhdukur, jam vënë në dijeni sipas hierarkisë, ku kam qenë […]
Në gjykimin për vrasjen e 14-vjeçares Vanja Gjorçevska dhe Pançe Zhezhovskit sot dëshmoi ndihmës kreu i SPB Shkupi. Ai fillimisht kontaktoi prindërit e vajzës, kur tashmë kishte indikacione se Vanja ishte rrëmbyer, transmeton Portalb.mk.
“Që në momentin që ka pasur denoncim për një vajzë të zhdukur, jam vënë në dijeni sipas hierarkisë, ku kam qenë përgjegjës për informimin e shërbimeve në atë kohë. Ata më informuan se ka një ngjarje të tillë për një vajzë të zhdukur dhe se është bërë gjithçka për ta gjetur atë. Gjatë ditës u përfshi edhe njësia ime e krimeve të dhunshme, ne u përfshimë drejtpërdrejt për të ndihmuar në gjetjen e vajzës së zhdukur. Takimi i parë me prindërit ishte në qendrën EBR në orët e vona të mbrëmjes, me qëllim që të na tregonin gjithçka për të gjetur vajzën. Në atë moment takuam prindërit, nëna ishte më e mbledhur, në momentin e parë babai ishte i dëshpëruar dhe konfuz. Në shumë deklarata ka pasur sjellje të çuditshme për ne, kemi kërkuar që të na ndihmojë në hetim”, tha Muzafer Kaishiq, ndihmës shef i SPB Shkup për çështje penale.
Ai tha se babai i Vanjës këmbënguli që t’i ndajmë gjërat. Më pas ai tha se ka ofruar që të fliste me babain dhe Dejani me nënën, duke shtuar se nuk kanë kursyer asgjë.
“Na erdhi një e afërme e Zoricës për të biseduar, ajo tha se ka një apartament në Kapishtec, tha nuk kam banesë, çelësat janë te Aleksandri. Unë dhe një koleg kërkuam të shkonim, por Aleksandri që na kërkoi të kërkonim kudo, na tha të mos shkonim kot sepse kishte qenë tashmë aty. Kur hipëm në ashensor, Aleksandri e hapi atë. Ishte gjysmë bosh. Aleksandri thoshte vazhdimisht se po humbnim kohën, se vajzën e rrëmbyen, e vranë, mos e humbim kohën kot. Nuk kishte asgjë në apartament dhe ne dolëm jashtë. Kështu kaluam territorin e Kapistecit, gjithçka na asoconte se ku mund të fshihej. Rrugës thoshte gjatë gjithë kohës se kot po shkojmë, kot do kërkojmë, por ja do të shkojmë. Aleksandri nuk doli nga automjeti. Më pas i afërmi e pyeti pse nuk del për të kërkuar me ne, ai tha se po humbim kohë duke e kërkuar, ajo u rrëmbye, ajo u vra… gjithë kohën tha hajde të kërkojmë, dhe kur kërkonim ai tha se po kërkojmë kot. Komentet e të afërmit ishin pse nuk zbret nga makina”, tha ai.
Siç ka dëshmuar ndihmës shefi i SPB Shkup, Aleksandri nuk ka dhënë një arsye konkrete pse mendon kështu.
“Nuk ka dhënë arsye konkrete. A ka ndonjë borxh, a është ndonjë zyrtar që mendon se pse do ta rrëmbenin vajzën. E pyetëm nënën pse sillet kështu. Nëna tha se ai ishte i veçantë, por as ajo nuk e dinte pse sillej kështu. Pasi kërkuam Vodno-n u kthyem në stacion, unë dhe Aleksandri u ngjitëm lart atje ku ishte ish-gruaja dhe vajza tjetër. Nuk e di sa zgjati, pastaj të gjithë shkuan në shtëpi”, tha ai.
Zëvendës shefi dëshmoi se fliste me Aleksandrin disa herë në ditë dhe se i dërgonte foto dhe mesazhe, por ishte i bindur se vajza ishte vrarë.
“Ai kërkoi një takim me mua. U takuam para ndërtesës. Erdhi një person tjetër që mu prezantua si Goce. Rreth 40 vjet. Herën e parë që e pashë mendova se kishte diçka për të më thënë, se kishte diçka për të më paraqitur. Le të shohim me disa grupe mafioze. Ajo është 100% e vrarë. Kur e pyeta se kush ishte ai burrë para se të nisja bisedën, ai u përgjigj se 20 vite nuk janë parë, kanë qenë në banesën e tij”, tha zëvendës shefi.
I pyetur se çfarë mesazhesh i janë dërguar, ai është përgjigjur se janë regjistrime dhe fotografi.
Në seancën e parë të mbajtur të akuzuarit Ljupço Palevski, Bore Videvski, Velibor Manev dhe Vlatko Keshishov, si dhe babai i vajzës, Aleksandar Gjorçevski, deklaruan se nuk ndihen fajtorë.
Gjykimi për këtë rasti filloi më 20 shtator. Të dyshuar për këtë rast janë edhe Velibor Manev, Vlatko Keshishov, Ljupço Palevski-Palço dhe Aleksandar Gjorçevski, E mitura Vanja Gjorçevska, e cila ishte raportuar e zhdukur më 27 nëntor, u gjet e vdekur në afërsi të Shkupit më 3 dhjetor, kur në afërsi të Velesit u gjet i vdekur edhe Pançe, me origjinë nga Velesi, i cili, nga ana tjetër, u raportua i zhdukur më 24 nëntor. I dyshuari kryesor për vrasjen e Vanja Gjorçevskës dhe Pançe Zhezovskit është Ljupço Palevski-Palço, i cili më 15 maj u ekstradua nga Turqia në vend, ku u gjet dhe u arrestua pas fletarrestit ndërkombëtar të lëshuar nga autoritetet maqedonase përmes Interpolit.
