Emrat e pedofilëve mund t’i mësoni vetëm në maqedonisht, regjistri assesi të përkthehet në shqip
Regjistri i pedofilëve në Maqedoninë e Veriut vazhdon të mbetet i qasshëm vetëm në gjuhën maqedonase, ndërsa Ministria e Politikës Sociale nuk tregon se pse e njëjta nuk përkthehet në gjuhën shqipe, shkruan Portalb.mk. Ministria e Politikës Sociale nuk përgjigjet në pyetjet gazetareske se pse ky regjistër nuk është i përkthyer në shqip, nëse është […]
Regjistri i pedofilëve në Maqedoninë e Veriut vazhdon të mbetet i qasshëm vetëm në gjuhën maqedonase, ndërsa Ministria e Politikës Sociale nuk tregon se pse e njëjta nuk përkthehet në gjuhën shqipe, shkruan Portalb.mk.
Ministria e Politikës Sociale nuk përgjigjet në pyetjet gazetareske se pse ky regjistër nuk është i përkthyer në shqip, nëse është në plan ose jo të bëhet e njëjta.
Ideja e regjistrit të pedofilëve (www.registarnapedofili.mk) është të publikohen emrat, mbiemrat, pseudonimet, fotografitë dhe adresën ku jetojnë kryerësit e veprave penale që janë dënuar me aktgjykim të plotfuqishëm për vepra penale të keqpërdorimit seksual të fëmijëve.
Qëllimi i kësaj është që qytetarët të jenë të vetëdijshëm nëse potencialisht në lagjen e tyre, shkollën ku shkojnë fëmijët e tyre, ose në familje kanë persona që mund të përbëjnë rrezik për fëmijët.
Aktualisht në këtë regjistër figurojnë 326 persona.
Nga ana tjetër, 15 pedofilë kanë shpëtuar nga publikimi i të dhënave të tyre në regjistrin për pedofilë, falë bllokimit të punës së Komisionit kuvendor për Punë Sociale, Demografi dhe Rini.
