Ferat Shala: PDK-ja Po Fiton Mbështetje Të Gjerë nga Drenica dhe Fermerët e Vukocit

Kandidati për deputet i Partisë Demokratike të Kosovës, Ferat Shala, ka theksuar se mbështetja për PDK-në po rritet çdo ditë në të gjithë Kosovën dhe, veçanërisht, në Drenicë.

Gjatë një takimi me fermerët e Vukocit, Shala theksoi se ata e kanë kuptuar rëndësinë e një lideri me vizion dhe përgjegjshmëri, si Bedri Hamza, për udhëheqjen e vendit drejt një zhvillimi ekonomik të qëndrueshëm.

Shala u shpreh se PDK-ja ka një plan të qartë për të mbështetur sektorin e bujqësisë dhe për të siguruar rritjen e produktivitetit dhe mirëqenies për fermerët e Kosovës. Ai shtoi se bashkëpunimi i ngushtë mes institucioneve dhe fermerëve është thelbësor për një zhvillim të qëndrueshëm dhe për përmirësimin e kushteve të jetesës.

“Vetëm një udhëheqje e përgjegjshme mund ta çojë Kosovën në një të ardhme më të mirë, dhe ne, si PDK, do të vazhdojmë të punojmë për një sektor të bujqësisë më të zhvilluar dhe mbështetje për fermerët,” tha Shala.