Gashi-Aggeler: Mbetemi të përkushtuar për të vazhduar bashkëpunimin RMV-SHBA

Kryetari i Kuvendi të Maqedonisë së Veriut Afrim Gashi bashkë deputetët tjerë në Kuvend u takuan me ambasadoren e SHBA-ve Angela Aggeler. Gashi në rrjetin social Facebook, shkruan se kjo ngjarje ishte një mundësi e shkëlqyer për të forcuar lidhjet me SHBA.

“Sot në Kuvend, mirëprita në një takim të përbashkët Ambasadoren e SHBA-së, zonjën Angela Aggeler, si dhe deputetët alumni të programeve amerikane.

Kjo ngjarje ishte një mundësi e shkëlqyer për të forcuar lidhjet tona me SHBA-në dhe për të reflektuar mbi angazhimin e pazëvendësueshëm të këtij partneri të palëkundur në zhvillimin e Maqedonisë së Veriut. Shpreha mirënjohje të thellë për mbështetjen e vazhdueshme të SHBA-ve, si dhe falënderova deputetët alumni që kanë kontribuar në forcimin e marrëdhënieve me SHBA-në.

Theksova se mbetem i përkushtuar për të vazhduar këtë bashkëpunim të frytshëm”, shkruan kryetari i Kuvendit Afrim Gashi.

The post Gashi-Aggeler: Mbetemi të përkushtuar për të vazhduar bashkëpunimin RMV-SHBA appeared first on Flaka, në çdo lajm... .