Gjesti i rrëfehet Loredanës për Xhenetën: “Ka qenë tmerr, e pamëshirshme

Spektakli i së martës në Big Brother VIP Albania solli një moment të rëndësishëm për Gjestin, i cili u përball me një intervistë të Xheneta Fetahut, dhënë për Fan Club.

Në këtë intervistë, Xheneta foli për raportin e saj me këngëtarin nga Peja, duke shprehur zhgënjimin dhe duke lënë të kuptohet se po e priste jashtë.

Megjithatë, reagimi i Gjestit pas shfaqjes së intervistës tregoi një tjetër perspektivë. I pyetur nga Loredana Brati se si u ndje pasi e pa këtë intervistë, ai u përgjigj prerë:

“Jo, çfarë kam përjetuar unë aty brenda ka qenë tmerr. Nuk ka ndjesi. Kam parë gjëra që është dashur t’i shoh, gjëra shumë të ulëta. Nuk ka pasur kush mëshirë për mua aty. Nuk po mund të sqaroj disa gjëra, por kur të dalësh jashtë e kupton vetë.”

Në vijim, ai shtoi:

“Kurrfarë ndjesie, thjesht figurë. Hiç. Pse ka ndodhur kjo? Ajo po vazhdon tjera gjëra. Ishalla është e lumtur, Zoti ia sjelltë atë që e do dhe e meriton. Për mua është në rregull, por lotët e mi, paranojat dhe lloji i depresionit që kam kaluar aty, nuk ia ka ndjerë askujt.”

Gjesti nuk i kurseu fjalët as në fund të bisedës, duke theksuar se e kishte kuptuar që jo vetëm Xheneta, por askush tjetër nuk ishte prekur nga situata e tij:

“Hallall nuk i kanë. Nga fundi e kuptova që jo vetëm asaj, por askujt nuk po ia ndjen për mua.”

Ky moment emocional ndikoi edhe në raportin e tij me Egli Tako, e cila duket se u distancua prej tij, me bindjen se ai po bënte një lojë me të.

The post Gjesti i rrëfehet Loredanës për Xhenetën: “Ka qenë tmerr, e pamëshirshme appeared first on InfoShqip.com.