Kasami: Në cilën rrugë të kthehemi, Ali Ahmeti? Rrugën e listës së zezë?

Kryetari i Lëvizjes BESA, Bilall Kasami i ka kthyer përgjigje kreut të BDI-së, Ali Ahmeti, i cili sot theksoi se koalicioni VLEN për interesa personale po rrezikon të arriturat shqiptare, ndaj tha se të njejtët duhet të reflektojnë ndaj veprimeve të veta.

“Në cilën rrugë të kthehemi, Ali Ahmeti? Në rrugën e Artanit Grubit, Ramiz Merkos…, rrugën e listës së zezë, në rrugën mbrapsht dhe pa dinjitet. I turpëruar je ti, që je duke mbyllur karrierën tënde si është më keq. Shqiptarët do të ndjeheshin të dëshpëruar sikur ju të vazhdonit rrugën e qeverisjes së keqe, që dëshmohet me raste të shumta në dëm të së ardhmes së tyre”, theksoi Kasami përmes një porosie në rrjetet sociale.(INA)

The post Kasami: Në cilën rrugë të kthehemi, Ali Ahmeti? Rrugën e listës së zezë? appeared first on Flaka, në çdo lajm... .