Rizvanolli me zë dhe figurë kur akuzon qytetarët se po shpenzojnë energji për prodhim të drogës!

Ministrja në detyrë e Ekonomisë, Artane Rizvanolli, ka deklaruar sonte në emisionin CONTEXT të ATV-së se disa prej konsumatorëve shpenzojnë deri në 5000 kilovat orë edhe gjatë verës jo vetëm në dimër, duke ngritur dyshime për përdorime të pazakonshme si nxehja e pishinave apo pajisje për kriptovaluta.

“Kemi një përqindje të familjeve që shpenzojnë deri 5000-6000 kilovat në muaj, 4, 5 mijë gjatë muajve të verës. Është shumë vështirë të shpjegohet, veçanërisht përgjatë muajve të verës dhe të pranverës. Gjatë dimrit mund të thuash që një shtëpi e madhe me pishinë nëse nxehet gjatë gjithë kohës, i shpenzon kaq. Mirëpo përgjatë muajve të tjerë me të vërtetë është vështirë për ta shpjeguar, përveç ndoshta kryptovalutave ose prodhimit të drogës, apo prodhim tjetër që nuk është ilegal, por që është informal”, u shpreh Rizvanolli.