Kenia njohu Kosovën, reagon Begaj: Mirënjohje Presidentit Ruto

Presidenti shqiptar Bajram Begaj ka përshëndetur njohjen e Kosovës si shtet nga Kenia.

Kreu i shtetit shqiptar ka falenderuar homologun e tij kenian që firmosi për njohjen e shtetit të Kosovës.

“I kënaqur që Kenia e ka njohur sot shtetin e Kosovës. I shpreh mirënjohjen time mikut tim, William Ruto, për këtë vendim të mirëpritur ngrohtësisht nga të gjithë shqiptarët”, shkroi Presidenti Bajram Begaj, në profilin e tij zyrtar në platformën X.

Kenia është shteti i 118 që njeh zyrtarisht Kosovën.

Lajmin fillimisht e dha Behgjet Pacolli, i cili në një postim në Facebook bëri të ditur se kishte lobuar prej vitesh që Kenia të njihte pavarësinë e Kosovës.