Maqedonia e Veriut mes vendeve të para në rajon për futjen e kriptovalutave në ligj, paralajmëroi kryeministri

Qeveria mendon që shfrytëzimin e kriptovalutave ta vendos në korniza ligjore. Kryeministri Hristijan Mickoski sot deklaroi se sipas tij, kjo është ardhmëria dhe se do të jemi mes vendeve të para në rajon, të cilët do ta bëjnë këtë, raporton MIA.

“Dëshirojmë tërë këtë legalisht ta kanalizojmë në kuadër të ligjit, por ka shumë punë të cilat duhet paraprakisht të harmonizohen dhe këtë edhe e bëjmë – i harmonizojmë ato punë që të vijmë deri te prodhimi final. Kjo është ardhmëria dhe mendoj se do të jemi mes të parëve në rajon, nëse jo edhe të parët, që bëjmë një gjë të tillë. Si do të funksionojë, do të shohim, por kjo sipas meje është ardhmëria”, deklaroi Mickoski, duke iu përgjigjur pyetjeve të gazetarëve pas konferencës së sotme për shtyp, kushtuar shportës së vitit të ri.

Vlera e bitkoinit për herë të parë sot tejkaloi 100.000 dollarë.

Lidhur me investimet e huaja, Mickoski e përsëriti qëndrimin se pret që për herë të parë të depërtohet barriera prej një miliardë euro investime të drejtpërdrejta të huaja.

“Përfundimisht me kuartalin e tretë, janë 838 milionë euro, ndërsa deri nga fundi i vitit pres edhe të paktën dy investime, e ndoshta edhe dy shtesë do të publikojmë, që do të jetë sinjal i mirë dhe me çka do të jemi mes vendeve udhëheqëse në rajon, nëse jo edhe udhëheqës për kokë banori”, tha Mickoski në konferencën për shtyp në Qeveri.

Ndryshe, Banka Popullore e RMV-së në prill të vitit 2021 ka dhënë sqarime për disa dilema në lidhje me përdorimin e kriptovalutave në vend, por duke theksuara se sqarimet bazohen në bazë të situatës aktuale dhe zhvillimeve globale. Banka vlerësoi që “kriptomonedha” nuk njihet si term ligjor në Maqedoninë e Veriut, ndërkohë vlerat e tyre nuk garantohen nga një bankë qendrore, duke i numëruar edhe disa rreziqe.

Maqedonia e Veriut është përfshirë disa herë në skandale të ndryshme rreth kriptovalutave, si aksionet e ndryshme nga Eurodrejtësia dhe Europoli. Në prill të vitit 2023, Bashkimi Evropian ka votuar në favor të një projektligji licencimi të kriptoaseteve.

• LEXO: Kriptovalutat në Maqedoninë e Veriut, Banka Popullore sqaroi sa i rrezikshëm dhe i ligjshëm është përdorimi i tyre
• LEXO: Zbulohet mashtrim investimi me kriptovaluta në shkallë globale, operohej edhe nga Maqedonia e Veriut
• LEXO: Në gjendje të krizës energjetike, në RMV vidhet rrymë për gërmimin e kriptovalutave (Infografik)
• LEXO: Mashtrimi i madh me kriptovalutat, edhe Maqedonia e Veriut e përfshirë në aksionin ndërkombëtar me kërkesë të tre shteteve
• LEXO: BE-ja miratoi rregulloren e parë në botë që licencon bursat dhe portofolët kripto