Mickoski në panel-diskutim në Mynih: Në vend të evropianizimit të Ballkanit – ballkanizim i Evropës

Në vend të “evropianizimit të Ballkanit, po ndodhë ballkanizim i Evropës”, për shkak se disa vende-anëtare ballkanike i sollën kontestet ballkanike dhe vlerat ballkanike në Bruksel në vend që të jetë e kundërta, tha sonte në panel-diskutimin “Gjeostrategjia dhe siguria energjetike”, kryeministri Hristijan Mickoski në Mynih, njofton Portalb.mk.

Ai theksoi se kur flitet për standarde të dyfishta në politikë, duhet të merret parasysh çështjen e Maqedonisë sepse dy dekada statusi kandidat nuk mund të shndërrohet në anëtarësim për shkak të “çështjeve artificiale të cilët hapen”.

“I dëgjova thashethemet në Mynih, për përzierje në çështjet e brendshme, por kur e ndryshuam flamurin tonë, kur e ndryshuam valutën ose kur e ndryshuam emrin tonë kushtetues, çfarë ishte ajo? A ishte kjo përzierje në punët e brendshme dhe se pse atëherë askush nuk fliste zëshëm? Madje edhe tani po ballafaqohemi me kërkesë për ndryshim të Kushtetutës që, në qoftë se dëshirojmë të fillojmë negociata me BE-në. Çfarë do të thotë kjo? Vallë kjo nuk është përzierje në punët e brendshme?”, tha Mickoski, kumtuan nga Qeveria.

Mickoski e ka theksuar shembullin me Rusinë, e cila e mohon identitetin ukrainas, gjuhën, kishën, dhe kryen invazion të tmerrshëm, por në të njëjtën kohë, thotë ai, parlamenti i një nga anëtaret më të vogla të BE-së e mohon identitetin e Maqedonisë, gjuhën maqedonase e cila është gjuhë zyrtare në OKB nga vitin 1945 dhe është kodifikuar ndërkombëtarisht nga vitin 1977.

Kujtojmë se Maqedonia e Veriut duhet t’i bëjë ndryshimet kushtetuese për të ecur përpara në rrugën eurointegruese. Ato nënkuptojnë shtimin e bullgarëve dhe kombeve tjera në Kushtetutë.

Kjo vjen si rezultat i asaj që Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare, pas miratimit të propozimit francez të cilin Maqedonia e Veriut e miratoi më 16 korrik 2022.

Propozimi atë kohë u votua në parlament pa pjesëmarrjen e opozitës së atëhershme e cila tani është në pushtet.

Ndryshimi i Kushtetutës kërkon shumicë prej dy të tretash. Negociatat me BE-në nuk do të fillojnë derisa të bëhen ndryshimet kushtetuese.

• LEXO: Mickoski në takim me kryesuesin e Konferencës së Sigurisë së Mynihut
• LEXO: Murtezani: Në rrugën drejt BE-së, nuk ka mik më të madh për ne se Greqia
• LEXO: Murtezani takoi eurokomisioneren Kos në Bruksel, u diskutua edhe për ndryshimet kushtetuese
• LEXO: Rokas: Ka aktivitet diplomatik intensiv për integrimin evropian të RMV-së
• LEXO: Borisov: Në BE dhe NATO zhvillohen procese për Maqedoninë e Veriut pa prezencën e Bullgarisë
• LEXO: Presidenti i KE-së, Kosta: Bilateralizimi i procesit të zgjerimit të BE-së nuk është i drejtë dhe duhet ta shmangim atë