Mickoski: Për zjarrin në Trubarevë janë arrestuar katër persona, hetimi është në vijim, janë ndërmarrë të gjitha masat

Shkup, 14 shtator – Kryeministri Hristijan Mickoski apelon të ndiqen rekomandimet e institucioneve pas zjarrit në Trubarevë, pas shpërthimit të të cilit konfirmoi se katër persona janë arrestuar. Duke iu referuar matjeve të fundit nga Armata dhe Instituti për Shëndet Publik, Mickoski theksoi se nuk ka ndotje jashtëzakonisht të lartë. Siguron se janë ndërmarrë të gjitha masat dhe se do të vazhdojë të jetë edhe në ditët në vijim.

“Janë arrestuar katër persona. Hetimi është duke vazhduar. Më shumë detaje nga Ministria e Punëve të Brendshme dhe Prokuroria”, deklaroi Mickoski, i cili sot vizitoi vendin ku dje rreth orës 14 shpërtheu një zjarr në një depo për riciklimin e mbeturinave në Trubarevë. 

Kryeministri pasdite nga Trubareva theksoi se të gjithë duhet të ndjekin rekomandimet nga institucionet dhe paralajmëroi se të gjithë brenda perimetrit të zjarrit do të evakuohen dhe do të trajtohen.

“Matjet e fundit që i bëjnë edhe Armata edhe Instituti për Shëndet Publik tregojnë se nuk kemi ndotje jashtëzakonisht të lartë. Nëse dje ishte midis tetë dhe nëntë në njësinë matëse, tani është midis pesë dhe gjashtë, përsëri ka, por nuk është ndotje jashtëzakonisht e lartë. Po flas për një perimetër prej 100 metra rreth vendit ku ndodhi zjarri”, tha Mickoski.

I pyetur nëse nëse do të kërkojë përgjegjësi nga ministri i Mjedisit Jetësor Izet Mexhiti pas njoftimeve  për aktivitetet e tij parazgjedhore të partisë pas shpërthimit të zjarrit, ai tha se ata kishin qenë në komunikim gjatë gjithë kohës dhe se ishin ndërmarrë të gjitha masat. 

“Me Mexhitin gjatë gjithë kohës ish isha në linjë dje. Ai ishte në linjë me të gjithë ministrat dhe Komitetin Drejtues, kështu që u morën fjalë për fjalë të gjitha masat gjatë ditës së djeshme. Edhe sot do të ndërmerren dhe në ditët në vijim. Që të ulet tensioni, nuk ka nevojë për panik, çështja është plotësisht nën kontroll”, deklaroi Mickoski.

Planifikohet kontroll më i madh edhe në vende të tjera me kapacitete të tilla, siç theksoi, bazuar në burimet që kanë në dispozicion. 

“Absolutisht po. Nëse do të kishim dronë funksionalë, kjo nuk do të kishte ndodhur. Fatkeqësisht, shteti është shkatërruar gjatë shtatë viteve të fundit, gjë që do të thoja se është “deri në ballçak”, tha kryeministri në përgjigje të pyetjes së gazetarëve.

Lidhur me hapat që i ka ndërmarrë Qeveria për një sistem më të mirë të menaxhimit të mbeturinave, kujtoi se është shpallur një thirrje për propozime për një deponi rajonale për mbeturinat në pjesën juglindore të vendit, është iniciuar një procedurë për një deponi për mbeturinat në pjesën jugperëndimore, dhe gjithashtu deklaroi se “ka lëvizur procesi për një stacion trajtimi në Manastir, Tetovë, Shkup dhe shumë gjëra të tjera”. 

“Fatkeqësisht, në të kaluarën pothuajse asgjë nuk është bërë për këtë çështje, por ne do të vazhdojmë të punojmë në këtë çështje. Nuk përjashtoj diversionet në periudhën që vjen. Të tilla janë raportet që marrim. Ka shumë qendra të fuqisë si në vend ashtu edhe jashtë shtetit. Ka shumë qendra të fuqisë si në shtet ashtu edhe jashtë shtetit që nuk duan që kjo qeveri të ketë sukses. Ka shumë qendra të fuqisë brenda dhe jashtë shtetit që do të vazhdojnë të krijojnë, të spekulojnë dhe të vjedhin, por do të përsëris – pa panik, ne do të luftojmë dhe do të fitojmë”, tha Mickoski.

The post Mickoski: Për zjarrin në Trubarevë janë arrestuar katër persona, hetimi është në vijim, janë ndërmarrë të gjitha masat first appeared on Agjencia e Lajmeve - Zhurnal.mk.