Panik në vendin ku do të mbahet funerali i Kirk, arrestohet një person i armatosur

Shërbimi Sekret është vënë në gatishmëri të lartë pasi arrestoi një burrë të armatosur brenda stadiumit State Farm në Arizona, ku do të mbahet funerali i Charlie Kirk të dielën.

Incidenti ndodhi të premten, duke ngritur menjëherë shqetësime në lidhje me sigurinë e ceremonisë.

Sipas Washington Post, burri mbante me vete një armë dhe një thikë. Kur iu afruan agjentët e Shërbimit Sekret, ai pretendoi se ishte oficer i zbatimit të ligjit dhe për këtë arsye ishte i armatosur.

Megjithatë, zëdhënësi i Shërbimit Sekret Anthony Guglielmi sqaroi se burri nuk ishte personel i autorizuar i sigurisë në këtë ngjarje dhe u mor menjëherë në paraburgim.