Policia e RMV-së kërkoi nga qytetarët që menjëherë ta paraqesin rastin nëse dikush tenton t’i manipulojë

Qytetarët në momente që do të pranojnë telefonat për një aksident të rrejshëm të ndonjë familjarit, duhet ta raportojnë rastin menjëherë në Polici. Këtë e kërkoi Policia e Maqedonisë së Veriut, pasi një kohë të gjatë qytetarët po bëhen viktima të telefonatave ku po mashtrohen, transmeton Portalb.mk.

“Në periudhën e fundit, në Ministrinë për Punë të Brendshme kanë ardhur raportime të shumta nga qytetarët për vepër penale “mashtrim”, që janë kryer ndaj personave më të moshuar”, sqaruan nga Policia.

Policia sqaroi që mashtruesit i thirrin qytetarët duke u paraqitur si zyrtar shtetëror kërkojnë para me qëllim që t’i lirojnë nga ndjekja penale fëmijët ose nipërit e tyre. Mashtruesit paraprakisht informojnë viktimat se familjari i tyre ka kryer aksident rrugor.

Policia deklaroi se po merren masa për zbardhjen e rastit, përkundër asaj se edhe në fillim të muajit mars kishin deklaruar njëjtë se po punojnë në zbardhjen e këtyre rasteve.

Kujtojmë se vazhdimisht është në rritje numri i qytetarëve të mashtruar që u kanë dhënë para policëve të rremë për “ndihmën” që ua kanë dhënë për ta fshehur faktin se ndonjë i afërm i tyre ka shkaktuar aksident në trafik në të cilin e ka humbur jetën një person, madje edhe një fëmijë. Kohëve të fundit në Kumanovë ka pasur disa raste, në një nga të cilët një grua ka paguar deri në 30 mijë euro për ta kuptuar pastaj se e kishin mashtruar.

• LEXO: Në RMV vazhdojnë mashtrimet në telefon për aksidente të rreme, MPB u bën thirrje qytetarëve të mos bien pre e tyre
• LEXO: RMV, me mashtrime të rreme për aksidente në trafik zhvasin me mijëra euro nga qytetarët
• LEXO: Mashtrime të reja me aksidente trafiku në Kumanovë, një 65 vjeçare i pagoi 30.000 euro një personi që pretendonte se është polic