Rënie e qarkullimit industrial në Maqedoninë e Veriut

Në Maqedoninë e Veriut është regjistruar ulje e qarkullimit industrial për 7.6 përqind në shtator, në krahasim me periudhën e njëjtë të vitit të kaluar, transmeton Portalb.mk.

“U Shënua rënie te Prodhimet intermediare përveç energjisë për 3.5 %, Prodhimet kapitale për 15.7 %, dhe Prodhime të qëndrueshme për konsum të gjerë për 3.0 %, derisa rritje vërehet te Prodhimet jo të qëndrueshme për konsum të gjerë për 1.4 %”, raportoi Enti Shtetëror i Statistikave.

Në krahasim me muajin gusht të këtij viti, ka pasur rritje për 17.5 përqind. Në periudhën janar – shtator të vitit 2024, kemi qarkullim më të ulët për 12.2 përqind, krahasuar me periudhën ë njëjtë të vitit të kaluar

“Indeksi i qarkullimit në industri në tregun vendor në shtator 2024, në krahasim me muajin shtator 2023, është 90.0”, ndërsa në tregun e jashtëm ky dallim është 8.2 përqind.