Trump i vendosi tarifë 33% Maqedonisë së Veriut, nga VLEN thonë se fajtorë janë personat “non grata” nga qeveria e kaluar

Nga koalicioni shqiptar në qeveri, VLEN, thonë se tarifa prej 33 për qind që SHBA-ja ka vendosur ndaj Maqedonisë së Veriut, është për shkak edhe të personave që janë vendosur në listën e zezë amerikane. Nga VLEN akuzojnë pushtetin e kaluar për tarifat.

“Arsyeja kryesore pse Maqedonia e Veriut po përballet me tarifa më të larta nga SHBA-të nuk ka të bëjë vetëm me faktorë ekonomikë, por mbi të gjitha me prishjen e imazhit të shtetit në arenën ndërkombëtare. Kjo prishje e imazhit është rezultat i drejtpërdrejtë i keqqeverisjes dhe skandaleve të ish pushtetit, duke përfshirë edhe funksionarët e BDI-së, të cilët sot ndodhen në listën e zezë amerikane, që nuk janë të vetëm bashkë me ta janë edhe keqpërdërues nga kampi maqedonas. Këta faqezinjë që sot janë bashkë në listën e zezë amerikane i ka bashkuar korrupsioni në bashkëpunimin për shkatërrimin e vendit. Amerika nuk i rrit tarifat pa arsye. Mesazhi i Uashingtonit është i qartë: korrupsioni dhe keqpërdorimi i pushtetit nuk mund të tolerohen më. Dhe kush janë ata që e kanë dëmtuar më shumë besimin e aleatëve perëndimorë në këtë shtet? Pikërisht ata që për dy dekada kanë keqpërdorur institucionet dhe sot fshihen pas retorikës boshe apo asaj me ancionalizëm pa sens. Në vend që të pendohen për pasojat e veprimeve të tyre, ish funksionarët e BDI-së dhe të tjerët duhet t’i kërkojnë falje qytetarëve për dëmin e madh që i kanë shkaktuar”, thonë nga VLEN.

The post Trump i vendosi tarifë 33% Maqedonisë së Veriut, nga VLEN thonë se fajtorë janë personat “non grata” nga qeveria e kaluar appeared first on InfoShqip.com.