RMV, rritje e re e komisioneve dhe tarifave, bankat e mëdha mbledhin 80 të përfitimeve

Deri në mars të këtij viti, në arkën e Maqedonisë së Veriut janë inkasuar gjithsej 1.421 milionë denarë, mbi dy baza – taksa administrative dhe gjoba dhe tarifa të tjera administrative. Kjo shumë tregon rritje të vazhdueshme të të ardhurave nga këto burime, të cilat luajnë një rol të rëndësishëm në financimin e veprimtarive shtetërore, shkruan Bloomberg Adria, transmeton Portalb.mk.

Në të njëjtin tremujor, bankat e RMV-së raportuan rritje të të ardhurave nga tarifat dhe komisionet.

Në arkën e tyre gjatë kësaj periudhe janë derdhur 251 milionë denarë më shumë se në periudhën paraprake, përkatësisht mbi 4 milionë euro.

Kjo rritje është rezultat i tendencës së vazhdueshme të bankave për të rritur sasinë e komisioneve.

Bankat po rrisin sërish shumat që paguajnë për shërbime të ndryshme dhe disa e kanë bërë tashmë në fillim të tremujorit të katërt.

Këto tendenca financiare sugjerojnë që klientët e bankave duhet të përgatiten për kosto më të larta gjatë përdorimit të shërbimeve bankare, ndërkohë që shteti vazhdon të gjenerojë të ardhura të konsiderueshme nga tarifat administrative dhe gjobat.