Shkumbin Kryeziu uron me fjalë zemre vajzën për ditëlindje

Këngëtari i njohur Shkumbin Kryeziu ka emocionuar ndjekësit me një urim tejet të ndjerë për vajzën e tij, Rozafën, në ditën e saj të lindjes.

“Rozafë, je krenaria ime dhe drita që e bën çdo ditë më të bukur. Mos harro kurrë që do të na kesh gjithmonë pranë gjatë gjithë rrugëtimit tënd! Gëzuar ditëlindjen Të dua pafund”, ka shkruar ai, duke shprehur dashurinë e pakushtëzuar për të bijën.

Ky mesazh prekës është mirëpritur nga fansat, të cilët kanë reaguar me komente të shumta pozitive, duke e cilësuar si një nga urimet më të bukura prindërore, shkruan Kosovarja.

Shkumbin Kryeziu vazhdon të dëshmojë se përtej suksesit në muzikë, familja mbetet prioriteti i tij kryesor.