Shkupi sot në mëngjes u gjend sërish midis qyteteve më të ndotura në Evropë
Shkupi mëngjesin e sotëm përsëri u gjend në listën e qyteteve më të ndotura në Evropë, sipas të dhënave të platformës “IQ Air”.Indeksi i ndotjes ishte 157, që e vendos kryeqytetin në kategorinë e ajrit të pasigurt për të marrë frymë, transmeton Portalb.mk. Përveçse qyteti me ajrin më të ndotur në Evropë, Shkupi ishte renditur […]
Shkupi mëngjesin e sotëm përsëri u gjend në listën e qyteteve më të ndotura në Evropë, sipas të dhënave të platformës “IQ Air”.Indeksi i ndotjes ishte 157, që e vendos kryeqytetin në kategorinë e ajrit të pasigurt për të marrë frymë, transmeton Portalb.mk.
Përveçse qyteti me ajrin më të ndotur në Evropë, Shkupi ishte renditur i njëmbëdhjeti për nga ndotja në botë.
Në krye të listës si qyteti më i ndotur në botë deri më tani është Delhi (Indi), pasuar ga Accra (Gana), Kajro (Egjipt), Lahore (Pakistan) dhe Bishkek (Kirgistan).
Me pothuajse të njëjtën cilësi ajri, pas Shkupit janë disa qytete nga Pakistani, Bangladeshi dhe Kazakistani.
Kujtojmë se sipas raportit të UNICEF-it, në Maqedoninë e Veriut, vdekjet e të porsalindurve nga ndotja e ajrit janë 11,6 përqind ose 1 në 9 vdekje të fëmijëve nën moshën njëvjeçare.
Edhe Instituti i Shëndetit Publik që në fillim të vitit 2024 e publikoi raportin “Ndotja e ajrit në Republikën e Maqedonisë dhe rreziqet ndaj shëndetit”, sipas të cilit pothuajse 18 përqind e mortalitetit të përgjithshëm në Maqedoninë e Veriut mund t’i atribuohet ekspozimit ndaj përqendrimeve aktuale të grimcave PM-2.5.
