Shorti zbuloi dyshet gjysmëfinaliste në Kupën e Maqedonisë së Veriut
Federata e Futbollit të Maqedonisë (FFM) sot ka publikuar dyshet gjysmëfinalet që do të luajnë në Kupën e Maqedonisë për sezonin 2024/2025, transmeton Portalb.mk. “Në “Shtëpinë e futbollit” përmes shortit janë përcaktuar çiftet gjysmëfinale në Kupën e Maqedonisë. Shorti përcaktoi që kampioni aktual Struga Trim&Lum dhe Shkëndija të ndeshen ndërmjet vete, ndërsa Vardari me ekipin […]
Federata e Futbollit të Maqedonisë (FFM) sot ka publikuar dyshet gjysmëfinalet që do të luajnë në Kupën e Maqedonisë për sezonin 2024/2025, transmeton Portalb.mk.
“Në “Shtëpinë e futbollit” përmes shortit janë përcaktuar çiftet gjysmëfinale në Kupën e Maqedonisë. Shorti përcaktoi që kampioni aktual Struga Trim&Lum dhe Shkëndija të ndeshen ndërmjet vete, ndërsa Vardari me ekipin e Brera A.P.”, njoftoi Federata.
Në kuadër të gjysmëfinales së Kupës, pritet të luhen nga dy ndeshje, ashtu që ndeshja e parë do të luhet më 9 prill, ndërsa ndeshja e dytë më 23 prill.
Ndryshe, në Kupën e Maqedonisë së Veriut në gjysmëfinale janë kualifikuar dy ekipe shqiptare, Struga dhe Shkëndija.
Kampioni i Ligës së Parë në sezonin 2023/24 në Maqedoninë e Veriut u shpall Struga Trim&Lum, pasi në javët e fundit u zhvillua një garë e ngushtë së bashku me Shkëndijën dhe Shkupin. Në garën për fitues në Kupën e Maqedonisë në vitin 2024, Tikveshi ka fituar kundër ekipit të Voska Sportit.
