Shtetet më të cilët ka më shumë shkëmbim tregtar Maqedonia e Veriut

Maqedonia e Veriut gjatë dy muajve të parë të vitit 2025 ka shënuar një deficit tregtar prej 604.7 milionë euro. Në krahasim me vitin e kaluar, eksporti dhe importi kanë shënuar rritje, transmeton Portalb.mk.

“Vlera e përgjithshme e mallrave të eksportuar nga Republika e Maqedonisë së Veriut në periudhën janar – shkurt të vitit 2025 është 1.2 miliard euro, ndërsa vlera e importit 1.8 miliard euro”, raporton Enti Shtetëror i Statistikave, ashtu që mbulimi i importit me eksport është 67 përqind.

Në krahasim me periudhën e njëjtë, eksporti shënoi rritje për 1.8 përqind, ndërsa importi 5.1 përqind.

“Në periudhën janar – shkurt të vitit 2025, sipas vëllimit të përgjithshëm të këmbimit tregtar, Republika e Maqedonisë së Veriut ka tregtuar më shumë me Gjermaninë, Britaninë e Madhe, Greqinë, Serbinë dhe Bullgarinë”, raportoi Enti.