Takim Mucunski – Qehaja, zotim për bashkëpunim në ekonomi, integrim e siguri

Ministri i Punëve të Jashtme dhe Tregtisë së Jashtme, Timço Mucunski, sot ka zhvilluar një takim me ambasadorin e Kosovës në RMV, Florian Qehaja, me ç’rast janë konfirmuar marrëdhëniet miqësore ndërmjet dy vendeve dhe angazhimet e përbashkëta për intensifikimin e bashkëpunimit dypalësh, para së gjithash në planin ekonomik.

Në takim u diskutua për situatën aktuale në të dyja vendet dhe në rajon në tërësi. Në të njëjtën kohë, u theksua nevoja për përshpejtimin e proceseve integruese evropiane të vendeve të Ballkanit Perëndimor, si një faktor kyç në ruajtjen e stabilitetit rajonal.

Mucunski shprehu gatishmërinë për thellimin e bashkëpunimit në kuadër të iniciativave rajonale, si dhe mbështetjen për integrimet evropiane dhe euroatlantike të Kosovës, duke theksuar gatishmërinë për shkëmbimin e përvojave në këtë fushë.

Bashkëbiseduesit shkëmbyen mendime edhe për tema aktuale të natyrës së jashtme – politike dhe të sigurisë, njoftojnë nga ministria.