Tregtarët të ndalojnë praktikat e padrejta, reagoi KMK

Zinxhirët e mëdhenj tregtarë, supermarketet, furnitorët dhe shpërndarësit duhet të veprojnë në përputhje me Lighin e Praktikave të Padrejta të Tregtisë dhe të sigurojnë një treg të drejtë, transparent dhe ligjor që do të jetë në interes të ekonomisë, prodhuesve dhe konsumatorëve. Ky është apeli që Komisioni për Mbrojtjen e Konkurrencës (KMK) u bëri sot tregtarëve, duke u kujtuar se Ligji ndalon ndryshimet e njëanshme të kontratave, vonesat e pajustifikuara të pagesave, kthimin e detyrueshëm të produkteve, kostot e imponuara dhe kushte të tjera që cenojnë pozitën e barabartë të pjesëmarrësve në treg, transmeton Portalb.mk.

Komisioni thotë se çdo tregtar që ushtron presion mbi një furnizues, i shantazhon apo dikton kushte përtej bazës ligjore dhe kontraktuale, i nënshtrohet procedimeve kundërvajtëse dhe rrezikon sanksione të rënda.

“Ligji është i qartë – tregtia e drejtë nuk është opsion, por obligim. Ne nuk luftojmë kundër biznesit, por kundër padrejtësisë. Aty ku ka keqpërdorime, Komisioni do të veprojë. Megjithatë, qëllimi nuk është represioni, por vendosja e kulturës së lojës së drejtë në treg”, thuhet në deklaratën me shkrim të kryetares së KMK-së, Malinka Siljanovska-Nikoliq.

Komisioni ftoi të gjithë subjektet ekonomike që mendojnë se janë të ekspozuar ndaj kushteve të padrejta apo presioneve të bëjnë një kallëzim, i cili do të trajtohet seriozisht dhe identiteti i tyre do të mbrohet plotësisht.

“Ligji është në anën e tyre dhe Komisioni është këtu për të siguruar zbatimin e tij,” shtoi Komisioni.

KMSH njoftoi se në periudhën e ardhshme do të vazhdojnë me monitorimin proaktiv të zinxhirëve të shitjes me pakicë dhe me një numër më të madh të kontrolleve në terren.

Në periudhën në vijim, KPP do të ketë një dialog të hapur edhe me furnitorët dhe odat për evidentimin e praktikave të padrejta, mbrojtjes ligjore dhe procedimeve ndaj kompanive që shkelin sistematikisht ligjin, si dhe thonë se do të ketë edukim të subjekteve ekonomike përmes udhëzimeve, analizave dhe rekomandimeve publike.

“Kjo është një thirrje për zgjedhje: a do të jemi ne një treg i dominuar nga marrëveshje me dyer të mbyllura apo një sistem në të cilin zbatohet parimi i një shans të drejtë për të gjithë. Komisioni zgjedh transparencën, ligjshmërinë dhe besimin. Ne presim të njëjtën gjë nga të gjithë pjesëmarrësit në tregti”, thuhet në deklaratë të Komisionit për Mbrojtjen e Konkurrencës.

Ligji për praktikat e padrejta tregtare në zinxhirin e furnizimit të produkteve bujqësore dhe ushqimore ka filluar të zbatohet në fund të shtatorit të vitit të kaluar dhe është miratuar në mars.