Vajza e Snoop Dogg, Cori Broadus, lind tre muaj më herët

Cori Broadus, vajza e reperit Snoop Dogg, ka sjellë në jetë fëmijën e saj tre muaj para kohe.

25-vjeçarja ndau lajmin emocionues në Instagram, duke publikuar një fotografi të vogëlushes së saj dhe duke treguar se e kishte lindur në javën e 25-të.

“Kam qarë dhe fajësuar veten, por Zoti më kujton gjithmonë se jam fëmija i Tij”, shkroi Cori. “Vajza ime erdhi sot dhe është perfekte si kurrë më pare”, shkruan DailyMail.

Ajo gjithashtu ndau një moment nga operacioni i saj cezarian, duke zbuluar se u diagnostikua me sindromën HELLP, një komplikacion i rrezikshëm i shtatzënisë.

“Nëse do të kisha pritur disa ditë, do të kishte qenë shumë keq”, shtoi ajo, duke u bërë thirrje grave të dëgjojnë trupin e tyre.

Cori, e cila ka luftuar me lupusin që në moshën gjashtë vjeçare, e quajti ardhjen e vajzës së saj një bekim të papritur.

“Jam e emocionuar ta mbush me dashuri dhe t’i mësoj vetëbesimin”, përfundoi ajo.