Zbulohet arsyeja se pse Usher jetoi me P. Diddy që nga mosha 15-vjeçare

Manjati i muzikës, L.A. Reid, i cili i besoi Usher-it jetesën me P. Diddy, ka bërë një rrëfim tronditës duke pranuar se kishte frikë se veprimi i tij ishte “i papërgjegjshëm” për ta “dorëzuar atë tek djaloshi më i çmendur i festave në vend.”

Sipas DailyMail, ish-gjyqtari i X Factor, L.A. Reid, e nënshkroi Usher-in në kompaninë e tij LaFace Records në vitin 1993, kur këngëtari ishte vetëm 14 vjeç, dhe shpejt lëshoi këngën e tij të parë, “Call Me a Mack”.

Në kujtimet e tij të publikuara në vitin 2016, Reid kujton se si pas daljes së kësaj kënge nuk gjeti asnjë tjetër që ta ndiente si mjaft tërheqëse për ta publikuar. Ai dëshironte që Usher-i të kishte një imazh më “edgy,” prandaj iu drejtua mikut të tij, P. Diddy (të cilin e quan Puffy), për ndihmë.

Siç shpjegon ai në libër, i kërkoi yllit të hip hop-it: “A mund ta marrësh këtë djalë dhe t’ia mësosh stilin tënd? A mund t’i japësh pak nga shija jote?”.

Në këtë kontekst, Reid, i cili aktualisht është i paditur për sulm seksual dhe ngacmim nga një ish-kolege (të cilat ai i mohon), e dërgoi Usher-in adoleshent në Nju Jork për atë që e quan “Kampi i Shijes Puffy”.

Më tej, Usher ka pranuar se gjatë kohës që jetonte me Diddy-n, ishte i ekspozuar ndaj gjërave “të çmendura” që “nuk i kuptonte mirë”. Ai gjithashtu tha se nuk do ta lejonte kurrë që fëmijët e tij të kalonin përmes të njëjtës përvojë.

Duhet përmendur se tani Diddy është akuzuar për një sërë krimesh, duke përfshirë trafikimin seksual dhe pjesëmarrje në skema mafioze, me më shumë se 120 viktima që kanë dalë përpara. Marrëdhënia e tij me Usher-in po vihet sërish në qendër të vëmendjes pas këtyre akuzave të rënda.